Ambasadori në largim i Mbretërisë së Bashkuar, Nicholas Abbott është takuar me kryetarin e Kuvendit të Kosovës, Glauk Konjufca.

Me anë të një postimi në Facebook, Abbott bëri të ditur se me Konjufcën kanë diskutuar edhe për rregulloren e BQK-së, shkruan Arbresh.info.

Në këtë takim, ai ia bëri të qartë kryeparlamentarit Konjufca se çështja për dinarin nuk duhet të merret vetëm në aspektin e sovranitetit.

“Si zakonisht, thirrja ime lamtumire me kryeparlamentarin Glauk Konjufca ishte një diskutim i hapur dhe plot humor. Ndër temat e tjera diskutuam rregulloren e BQK-së dhe qëndrimin tim se kjo është një çështje që duhet të merret parasysh në aspektin e qeverisjes së mirë dhe marrëdhënieve me komunitetin dhe jo vetëm në aspektin e sovranitetit. çështja për dinarin nuk duhet të merret vetëm në aspektin e sovranitetit.Jam i kënaqur që marrëdhëniet mes dy parlamenteve tona mbeten shumë të forta”, ka shkruar Abbott./Arbresh.info/